فەرمانی جۆلانی بۆ پەروەردە بە زمانی کوردی لە سووریا

بە ڕاپۆرتی ئاژانسی هەواڵی مێهر ، دوای دەرکرانی فەرمانی ژمارە 13ی ئەحمەد شەرع، سەرۆک‌کۆماری کاتیی سووریا، مۆڵەت بە ڕاهێنان بە زمانی کوردی وەک بەشێک لە سیستەمی پەروەردەی سووریا لە قوتابخانەکانی ناوچەگەلی کوردنشینی ئەو وڵاتە، کاردانەوەی کارناسان و ڕەخنەگرانی بەدواوە بوو.
زۆربەی ڕەخنەگران بە ئاماژە بە فۆڕمی داسەپێنەرانەی ئەو بڕیارە سیاسییە بەبێ ئاوڕدانەوە لە میکانیزمەکانی ڕاپەڕاندنی لە چوارچێوەی وەزارەتی پەروەردە، هاوکاتی پرسیار لە چیەتیی پێکهاتەی پلانی وانەیی و هەڵبژاردنی مامۆستایان و پێگەی یاسایی، لەوبارەوە ڕایانگەیاندووە کە ئەم بڕیارە بە هۆی ساغ‌بوونەوەی بەپێی فەرمان و نەک تۆمارکرانی لە دەستووری نوێی سووریا، دەتوانێ کێشەساز و شکێنەر بێت و هاوکات ببێتە بیانوو و داردەستێک بۆ ناچارکردنی کوردەکان لە قبووڵ‌کردنی بڕیارە سیاسییەکانی دیمەشق لە داهاتوودا.
ئەو کارناسانە هەروەها ڕەخنەیان لە نەبوونی کۆمیتەیەکی پسپۆڕی و زانکۆیی بۆ ئەو کارە لە پەنای وەزارەتی پەروەردە گرتووە و جەخت لەوە دەکەن کە تەرکیز لە سەر ڕاهێنانی کوردی لە چوارچێوەی سەروەری نیشتمانی سووریا دەتوانێ کاریگەری لەسەر کوالیتی و سەربەخۆیی ناوەڕۆکی ڕاهێنانەکە دابنێت و وانەکان زیاتر بە ئاراستەی سیاسیدا ببات.
شایانی باسە، بەپێی ڕاگەیاندنی ژمارە 94ی وەزارەتی پەروەردەی سووریا، ناوەندی نیشتمانیی گەشەی پرۆگرامی وانەیی بۆ داڕشتنی وانەگەلی زمانی کوردی ڕاسپێردراوە و بڕیارە ئەو ناوەندە لە ماوەی شش مانگدا پرۆگرامەکە بۆ پەسندکران و چاپی کتێبەکان، تایبەت بە قۆناغی یەکەمی سەرەتایی تا سێهەمی دواناوەندی بەپێی چوارچیوەگەلی کۆگری نێودەوڵەتیی ئەورووپا(CEFR) و ستانداردەکانی زمانی بیانی ئەمریکا(ACTFL) ئامادە بکات و زمانی کوردیی دیاری‌کراوە بۆ ئەو مەبەستە بە زاراوەی کورمانجی دەبێت.